أهوار العراق

أهوار العراق
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 هم تذكر يصاحب يوم جان الطار (نعمه عبدالله عبدالمنعم)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابومهند الجابري



عدد المساهمات : 404
تاريخ التسجيل : 01/11/2011
العمر : 56
الموقع : منتدى اهوار العراق

مُساهمةموضوع: هم تذكر يصاحب يوم جان الطار (نعمه عبدالله عبدالمنعم)   الجمعة نوفمبر 11, 2011 7:06 pm

[size=24]
هم تذكر يصاحب يوم جان الطار
دكاكينه سطر ومجابله الحفار

دكاكينه سطر والماي يامحلاه
وتذكر حجي كاطع شبجه من نصباه
مانعتقد ذاك الوكت هم ننساه
بنص اكلوبنا يفلان اله تذكار

هم تذكر صفاة السمج والدلال
والعجوده البلاش الحيل ماتنشال
وصحين اوكوته الجنه بيها اطفال
راحت ونكظت ونطوت بيها اعمار

كهاوي الطار كلها امرتبه ترتيب
خضير يمه غالي وكهوة ال جليب
نومي ولبلبي بكهوة علي ال عطيب
النص الليل هالوادم عليه جرار

هم تذكر يصاحب من تمر بالسوك
ماتكدر تطره من البشر مخنوك
البني والصبور اشنوك فوك اشنوك
مايحتار واحد من يجيه خطار

هم تذكر الجالي الجنه جالي الكوت
هم تذكر عبد وحسين بت حلبوت
ودوه النشله ايشواطي الطار اهو منعوت
وزريه ودواها بدون ماتحتار

هم دره تمر عليك وي داوود
والدكان ذاك الكلشي بيه موجود
كظت ذيج الايام وما اضنها اتعود
انطوت صقحة عمرتا وبيها خفنه اسرار

هم تذكر كراج السفن وي الريك
وصوت الزايرات اهمومك اتنسيك
وبو كامل نسيته من يجيب الكيك
ابنص السوك ينده هذا طيب حار

المعيبر تذكره من يصيح فهود
والبلامه المجدمه امحملات اعجود
وصرايفنا المسيسه اليلط بيها الزود
الثريه من تجينه انصيح ياستار

ابو جاسم حبيب اصحاب سيارات
بس اثنينهن بالطار موجودات
فرحنا اهواي من طبة الشختورات
كمنه انروح بيهن نوصل الحمار

هم تذكر يصاحب يوم جان الطار



]نعمه عبدالله عبد النعم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.aljabery.tk
 
هم تذكر يصاحب يوم جان الطار (نعمه عبدالله عبدالمنعم)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أهوار العراق :: قصائد واشعار-
انتقل الى: