أهوار العراق

أهوار العراق
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 شعر شعبي للمرحوم (ثامر ال حموده)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابومهند الجابري



عدد المساهمات : 404
تاريخ التسجيل : 01/11/2011
العمر : 56
الموقع : منتدى اهوار العراق

مُساهمةموضوع: شعر شعبي للمرحوم (ثامر ال حموده)   الثلاثاء نوفمبر 22, 2011 10:30 am



كــون سماچ اشتغل عبدالامير

اضطر احد اولئك الرؤساء ان يشتغل سماكا .فكتب اليه يداعبه قائلا

كون سماچ اشتغل عبد الاميـــر **** شنهي من مهنه بعد يلگه الفقير
جان من يركب دوافيعه عبيد **** والتفك برنو ويبرج من بعيد
راعي سطوه يخاف من عنده الحيد **** وعادته گول وفعل ما يستشير
وجان من يومي تذوبحله الزلم **** اثنينهن عنده الشجاعه والحلم
المكارم ورث من عوده الشهم **** الابو ورثه لعند ابنه يصير
لجن الايام مسرع ماتمر **** لابسه ثياب الخيانه والغدر
اشجم عظيم اضيعت دمه هدر **** اوجم لئيم الخدمته واصبح مشير
دارت ويا شومها لما تدور **** اوخلت الغربان تعله على الصگور
ايگول ربك صير ياعبدي صبور **** او لا اظن تصبر على هاي الحمير
وصار سماچ ولزم حبل الشبچ **** اشمحله طوله على الدوسه لودبچ
ملطخه اهدومه من ابطون السمچ **** والصدف لازگ بقمصان الحرير
نزع قاطه واحتزم فوك البشت **** وصار وجه من الشمس مثل الخفت
من يكض ميزانه مثله ماشفت **** عيارة مضبوط ويحط فوگه چثير
بالوزانه خوش مضبوط وسرع **** وبعد بيه خصله مسنع بالدفع
عنده شلبه موشره تشگ الدرع **** يشگ بيها السمچ شگ ماله نظير
ابسبحه الكهرب يعجبك لو لعب **** هسا بدلها بمفلاگة خشب
وعنده عرفه للسواحل لو گرب **** كلها تتنظر علم عبد الامير
ايگول اشكرنك على هذا اللطف **** تدري ظليت انه ادور عالگطف
عفيه ربنه اللي شطف حظنه شطف **** واخس منها خايف ايصير المصير

=======================
=========
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.aljabery.tk
 
شعر شعبي للمرحوم (ثامر ال حموده)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أهوار العراق :: قصائد واشعار-
انتقل الى: