أهوار العراق

أهوار العراق
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 مجموعه من الابوذيات لشعراء من مدينه سوق الشيوخ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احمد الجابري
Admin


عدد المساهمات : 54
تاريخ التسجيل : 16/10/2011

مُساهمةموضوع: مجموعه من الابوذيات لشعراء من مدينه سوق الشيوخ    الإثنين أكتوبر 24, 2011 5:09 pm

مجموعه من الابوذيات لشعراء من مدينه سوق الشيوخ
..............................................................................



الشاعر ستار دلي الحجامي
الدهر مايبس اجفوني وشرهن
وطحت بالغاسق الواقب وشرهن
رهنت الروح لودادك وشرهن
بعد بس كاع كبري او موش اليه
***
اظل للموت احبنك وريدك
وعسى دمي دخل يشكر وريدك
حياتي وموتي يمعود وريدك
تمدها احيا تخليها المنيه

.................................
الشاعر فاضل خضير السويدر
كتب في فقد ولده حسين عام 1982 يقول:

امسى اغفر عليه النزل وحشاي
سبب سباح كلبي انكطع وحشاي
احس نيــران بالدلال وحشاي
اسعرت من يوم فركاكم عليه
***
عمل بيه وفضحني الدمع منسال
وذبل جسمي وشبيه العود منسال
منهو اللي انشده اعليك منسال
بهيمه ولايمر كل عرف بيه

..................................
الشاعر ماجد مفتن السفاح
قفل بيبان كلبي سكراني
صحيت ومن رضابه سكراني
اخبرك صاب جسمي سكراني
ابحلاة اشفايفه العمت عليه
***
طحت والجنت اظنه ايعين ماعان
ولاجنه ربينه ابفرد ماعان
اكل للكلب عن ايكول ماعان
لمن حيث الأوده ايعود اليه
***
عكلي الثابت ابراسي شياهام
او ربعي اتفايطوا عني شياهام
اهم من بلوتي عدهم شياهام؟
نحط ونشوف ياهو اعظم رزيه
...................................
الشاعر حافظ حسن مري العطار
اشمعد ايام عمري ونسعدهه
وكولن وين عزها ونسعدهه
عجيبه الناس تضحك ونسعدهه
بطر لو من سفاهه اضحكت هيه
***
صافي سماي وأهلي عيروني
يحيف ابوزن ناقص عيروني
المشت روحي وراهم عيروني
المشت جدام حطوا عيب بيه
***
يعذبات اللمى يابيض ينحاف
ليش اللي ابهواجن دوم ينحاف
اشعوزه الكمر وجهه ابخيط ينحاف
ويحف ببتوت كلبي وعمل بيه

............................
الشاعر احمد جاسم السماك
شفت فركاك والغربه سوادين
سواد الليل وغيابك سوادين
انه روحي نقد ادفع سوادين
لليكــــــدر يجيبه ابحلم ليه
***
نطرتك يوم جنه ازغار ويهال
ولك سايات منها الدمع ويهال
بدر وتنطرك بالليــل ويهال
تضوي الروح والظلمه العليه

...............................
سليم جبر السعداوي
صفنت ألها وضربت اخماس بسداس
وتعبت اعله البنيته اوياك بسداس
صحيح انته لعبت وياي بسداس
أغلبتني ابطيبتي العمت عليه
***
يدنيه اتوجي ابفولج وربعي
ونهشي ابلحم ذرعاني وربعي
الوكت مابيه بعد ربعك وربعي
الأخو صار ابوكتنه اي
بيع اخيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://al-ahwar.com
 
مجموعه من الابوذيات لشعراء من مدينه سوق الشيوخ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أهوار العراق :: قصائد واشعار-
انتقل الى: