أهوار العراق

أهوار العراق
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

  مساجلات‏ ابوذبه جميلة جدا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احمد الجابري
Admin


عدد المساهمات : 54
تاريخ التسجيل : 16/10/2011

مُساهمةموضوع: مساجلات‏ ابوذبه جميلة جدا   الإثنين أكتوبر 24, 2011 5:45 pm



زماني اهموم جمه ورثاني
وجروحي ارداف واحد ورثاني
جكَاره ابحلكَ وكتي ورثاني
واضن بس نفس واحد ضال بيه

اجابة الشاعر حيدر الشميساوي قائلاً

مثل ما وكتي ضل اوياي ضل بيك
لكن كَمت احسدك لأن ضل بيك
زين انته جكَاره ونفس ضل بيك
كَطف واهل السجن دارو عليه

اجابه الشاعر صلاح اللامي قائلاً

شكثر شوغات من وكتي تلفني
جكَارة تتن وجفوفه تلفني
كَطف ضليت من خلص تلفني
بشارع واليفوت ايدوس بيه

اجابه الشاعر موحان عودة قائلاً

ذبت بجفوف وكتي من يذبني
ولاواحد شكَفني من يذبني
جكَاره ابحلكَ مدمن من يذبني
ابنفس واحد وصل للكطف بيه

اجابه الشاعر علي الكركوشي قائلاً

اخاف امن الوكت انفذ شمرني
جكَاره وبالمذاق انه شمرني
كَطف ضليت ماهدني شمرني
بوسط جانون ماضل اثر بيه

اجابه الشاعر السيد بشير الغالبي قائلاً

روحي الحزن والهم ورثاهه
ولاصح اليواسي والرثاهه
انه روحي جكَاره ورثاهه
فاهي امن الكَطف حط نار بيه

اجابه الشاعر زمن الركابي قائلاً

شتلم بيه زماني مايذبني
وابد يذبات راحه ما يذبني
جكَاره ابطخم شايب مايذبني
وتذكر كل سنين القهر بيه

اجابه الشاعر حسن الشميساوي قائلاَ

روحي الحزن والهم ورثلهه
اجرهه ابحزن ينعه ورثلهه
جكَاره الروح صارة ورثلهه
طفل من كل كتر حط نار بيه

الشاعر مشير السعيدي

ــــــــــــــ

يشم الشذى ابروحي من گطفها
والف تب الگطفها من گطفها
جگاره امست اوشبها من گطفها
ازنادي وهل تلوچ النار بيه

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://al-ahwar.com
 
مساجلات‏ ابوذبه جميلة جدا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أهوار العراق :: قصائد واشعار-
انتقل الى: