أهوار العراق

أهوار العراق
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 قصيده من الاخ صادق الجابري

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابومهند الجابري



عدد المساهمات : 404
تاريخ التسجيل : 01/11/2011
العمر : 56
الموقع : منتدى اهوار العراق

مُساهمةموضوع: قصيده من الاخ صادق الجابري   الثلاثاء يناير 10, 2012 2:05 am

Sadik Aljaberi posted in أل جويبر.

Sadik Aljaberi 4:19pm Jan 9

قصيده حسبالك نخاف ومانروح انزور

حسبالك نخاف ومانروح انزور
توقف بالدرب وجلابك اتهدهن

جماعيةالمقابر نصها للزوار
مو انت التردهن ذاك ماردهن

علي صاير مجاهد لحيتك شبرين
وثياب الغجر للركبة لابسهن

سفارة بكل بلد مبنية لسرائيل
اذا انت مجاهد روح فجرهن

تقطع راس شيعي وتدعي الاسلام
وبراسك جنان اتريد تدخلهن

عبادة حجارة الشيعة ليش اتقول
لان عقلك حجارة ودني يعقلهن

دقلي انت شمالك من الترب مغثوث
جاي اسجد عليهن ماسجدت الهن

مثل ماحضرتك تسجد على السجاد
شو محد يقلك ليش تعبدهن

قصدنا المحتوى مو بالضريح انبوس
ولا تعني المعادن النا بوستهن

بس ندري بعلي واقف ورى الشباك
واندني الشفايف حتى يختمهن

ينعرفن لأن مادام مختومات
الله يحرم على النارشويتهن

وقلك على الولاية وعصمت اهل البيت
انت بيا شريعة تريد تنكرهن

ولايتهم جنح وأعمالنا احنا طيور
اذا نقطع جنح ياهو يرفعهن

ماتصعد صلاته الينكرالكرار
لأن طرق السما بس علي يندلهن

على الرد الشمس أكبر جسم بالكون
بس كفوف سائل يعجز يردهن

علي البس الخادم ثوب اجد منثوب
وثيابه السمل للموت لابسهن

علي ولولا علي كلهن يحلهن كان
وعلى اللي مايحلهن حيدر يحلهن

نعم من موسى اكرم انت يالكرار
وحق وادي طوى والقله اخلعهن

لو موسى النبي داخل طوى ابنعليك
كان رب العرش قله ابقى لابسهن

خيبر يفتهم ما عاندك على الباب
بس يعاندك حيطانهن شلعهن

اسرع منطلق بالدنيا هوالضوء
وانت النور حيدر يعني اسرعهن

ليش التقص راسه عيونه مفتوحات
مايلحق عليك اشلون يطبقهن

لذلك بالحرب يتلمسون الروس
من تخطف عليهن خاف قاطعهن

والبطران اجاني يقلي ليش اتزور
ومن يقول القبور اتفيد زايرهن

والك شوف القبب مابيها لذق اتراب
جبرائيل ينزل بيده يمسحهن

لو مسلم صدق اتناقش اناوياك
بس اصلا حرام افكارك اسمعهن

عصت موسى آية وتخدم الأغنام
لأن ربنا الغنم على العِصا فضلهن

وافضل من محمد عندك العصاة
تفاهاتك هذول اشلون اناقشهن

معروفة المذاهب سنة شيعة اخوان
انت منين لا منهم ولامنهن

تضل الخمس الاصول الرابع الكرار
وتبقى السبع الكبائر وانت ثامنهن‬
====
=========
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.aljabery.tk
الشيخ عبدالحميدالخاقاني



عدد المساهمات : 60
تاريخ التسجيل : 24/10/2011
العمر : 45
الموقع : فيس بوك الشيخ عبدالحميدالخاقاني النجفي

مُساهمةموضوع: رد   الأربعاء يناير 18, 2012 6:38 pm

احسنتم وفقكم الله لكل خير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيده من الاخ صادق الجابري
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أهوار العراق :: قصائد واشعار-
انتقل الى: